11‏/09‏/2008

نحب الشيشه ولابس نحب الهبه ؟؟

هل نحن شعب يحب الشيشه ولا بس نحب الهبه ؟؟


ليش المقاهي في رمضان تصير ازحم وماكو مكان مقارنة في قبل رمضان وبعده ؟

ليش الشباب يقطعون زقاير في رمضان و يشربون الشيشه مره بعد الفطور ومره قبل الامساك ؟؟


اللي انا اعرفه ان الناس تقطع زقاير في رمضان يعني شهر العباده ومايبي يرتكب معاصي ؟

طبعا المقاهي في رمضان ماتندش من كثر الزحمه الواحد صار يدور له شيشه مدعوسه محد يدلها عشان يشيش على هدوء , وهالسنه مادري اذا بعد مسوين الخيم الرمضانية ولا خلاص وقفوها !!


وتقبل الله طاعتكم

03‏/09‏/2008

رمضان و التلفزيون

في رمضان شهر العباده والصيام والتقرب من الله وشهر عمل الخير وكسب الحسنات والمغفرة من الله عز و جل ,,


لاكن للاسف في الكويت رمضان للاسف صار ياما شهر النوم او شهر متابع التلفزيون

وللاسف التلفزيون من سيء الى اسوء ..

في اول ايام رمضان قلت بسوي جولة على المحطات قلت يمكن نحصل شي نستفيد منه اول شي حطيت على تلفزيون الكويت طبعا لاتعليق !!بعده سكوب للاسف بنية طالعه مع رفيجتها و شباب اثنين وياهم وقاصه على اهلها ؟؟هذي افتتاحية رمضان مع فجر السعيد .. فنون للاسف الشايع موراضين نفتك من ملاغته ؟ .. الراي خلصنا من حليمة جات ميساء مغربي تطلع والعالم توها مفطره ومعين من الله خير !!.. خوش صيام .. والوطن عاد كاجريدة ماابلعها الحين تلفزيون :) بس عجبني شي واحد عندهم اهو برنامج العوضي قبل الفطور( السيرة النبوية) .. يمكن هذا البرنامج الوحيد اللي يفتح النفس .. على الاقل الواحد يستفيد ويعرف قصص الرسول صلى الله عليه وسلم .



فاقررت هالسنة تخصيص وقتي للتفلزيون في ساعتين ساعه مابين المغرب وصلاة العشاء وطبعا هذي غصب عشان قعدة الاهل والثانية ساعه لما يعرضون مسلسل ابوجعفر المنصور ..( اجمل مسلسل حاليا في رمضان ) .


وفي الختام
صيام مقبول وذنب مفور باذن الله

15‏/05‏/2008

Pilot او التجربة

بسم الله و على بركته نبدأ

على طريقة المسلسلات الاجنبية تكون اول حلقة تحمل اسم بايلوت او التجربة الاولى


وانا بعد مرور اكثر من 4 اشهر من متابعة المدونات من بعيد قررت ان اخوض هذا المضمار الجميل المتعب

والله ولي التوفيق


اخوكم \ مشعاب